439 (1351) 3281. Усома ибн Зайд ибн Ҳорисадан ривоят қилинади:
Бу зот: "Эй Аллоҳнинг расули, Маккадаги ҳовлингизга тушасизми?" деганлаларида, Расулуллоҳ соллаллоҳу алайҳи васаллам: "Ақийл биз учун бирор маскан ёки ҳовли қолдирибдими?" дедилар.
Ақийл ва Толиблар (оталари) Абу Толибдан мерос олишган. Лекин Жаъфар билан Али эса бирор нарса мерос олишмаган. Чунки икковлари мусулмон бўлишган. Ақийл билан Толиб эса кофир бўлишган.

440 (000) 3282. Усома ибн Зайддан ривоят қилинади:
"Мен: "Эй Аллоҳнинг расули, эртага қаерга тушасиз?" дедим. Бу ҳажда бўлиб, Маккага яқинлашай деганимизда эди. Шунда у зот: "Ақийл бизга маскан қолдирганми?" дедилар.

000 (000) 3283. Усома ибн Зайддан ривоят қилинади:
"Бу зот: "Эй Аллоҳнинг расули, иншааллоҳ эртага қаерга тушасиз?" дедилар. Бу фатҳ даврида эди. Шунда у зот: "Ақийл бизга маскан қолдирганми?" дедилар.