436 (1348) 3275. Оишадан розияллоҳу анҳу ривоят қилинади:
«Расулуллоҳ соллаллоҳу алайҳи васаллам:
«Арафа куничалик Аллоҳ бандани дўзахдан кўпроқ озод қиладиган кун йўқдир. Албатта, У зот яқинлашиб келади ва улар билан фаришталар олдида фахрланиб: «Анавилар нимани ирода қилдилар?» дейди», дедилар».

437 (1349) 3276. Абу Ҳурайрадан ривоят қилинади:
"Расулуллоҳ соллаллоҳу алайҳи васаллам: «Умрадан кейинги умра иккисининг орасидаги нарсаларга каффоротдир. ҳажжи мабрурнинг мукофоти жаннатдан бошқа нарса эмас», дедилар».

000 (000) 3277. Бу ерда юқоридаги ҳадис такрор келган.

438 (1350) 3278. Абу Ҳурайра розияллоҳу анҳудан ривоят қилинади:
«Расулуллоҳ соллаллоҳу алайҳи васаллам:
«Ким мана бу уйга яъни Байтуллоҳга келса, фаҳш сўз айтмаса ва фисқу фасод қилмаса, худди онаси туққанидек қайтади», дедилар».

000 (000) 3279. Бу ерда юқоридаги ҳадис такрор келган. Фақат «Ким ҳаж қилса, фаҳш сўз айтмаса ва фисқу фасод қилмаса.....», бўлиб келган дедилар.

000 (000) 3280. Бу ерда юқоридаги ҳадис такрор келган.