441 (1352) 3284. Абдурроҳман ибн Ҳумайддан ривоят қилинади:
"Умар ибн Абдулазиз Соиб ибн Язиддан: "Сиз Маккада истиқомат қилиш хусусида бирор нарса эшитганмисиз?" деганларида, Соиб: "Ало ибн ал-Ҳазрамийдан эшитганман. У Расулуллоҳ соллаллоҳу алайҳи васалламдан эшитганман, деб айтди. Расулуллоҳ соллаллоҳу алайҳи васаллам: "Муҳожир (ҳаж амалларини бажариб) қайтгач Маккада уч кун истиқомат қилади", деб гўёки ундан ошириб юбормасин, дегандек бўлдилар", деб айтди.

442 (000) 3285. Абдурроҳман ибн Ҳумайддан ривоят қилинади:
"Умар ибн Абдулазиз ҳамсуҳбатларига:
"Сизлар Маккада истиқомат қилиш хусусида нима эшитгансизлар?" деганларида, Соиб ибн Язид: "Ало ибн ал-Ҳазрамийдан эшитганман. Расулуллоҳ соллаллоҳу алайҳи васаллам: "Муҳожир ҳаж амалларини бажариб бўлганидан кейин Маккада уч кун истиқомат қилади", дедилар.

443 (000) 3286. Абдурроҳман ибн Ҳумайддан ривоят қилинади:
"Умар ибн Абдулазиз Соиб ибн Язиддан сўрадилар. Соиб: "Ало ибн ал-Ҳазрамийдан эшитдим. Набий соллаллоҳу алайҳи васаллам: "Муҳожир ҳаж амалларини бажариб бўлганидан кейин Маккада уч кеча истиқомат қилади", дедилар.

444 (000) 3287. Ало ибн Хазрамий хабар берадилар:
Расулуллоҳ соллаллоҳу алайҳи васаллам: "Муҳожир ҳаж амалларини бажариб бўлганидан кейин Маккада уч кун туради", дедилар.

000 (000) 3288. Бу ерда юқоридаги ҳадис такрор келган.