305 (1296) 3118. Абдураҳмон ибн Язийд розияллоҳу анҳудан ривоят қилинади: «Абдуллоҳ ибн Масъуд Батну водийдан, ақобада, еттитадан майда тош отдилар. Ҳар-бир тош отишда такбир айтардилар. Шунда Абдуллоҳ ибн Масъудга: “Одамлар унинг тепасидан отишади”, дейилганида, у зот: “Ўзидан ўзга илоҳ йўқ бўлган зотга қасамки, бу Бақара сураси нозил қилинган мақомдир”, дедилар.
306 (000) 3119. Аъмашдан ривоят қилинади: “Ҳажжож ибн Юсуф минбарда хутба айтаётиб: “Қуръонни худди Жаброил тартиб қилганларидек тартибланглар. Сураки, уни, Бақара деб зикр қилинади. Ва сураки, уни Нисо деб зикр қилинади. Ва яна сураки, уни Оли имрон деб зикр қилинади”, деди. Мен Иброҳимга йўлиқиб, Ҳажжожнинг сўзини хабарини берган эдим, уни сўкдилар. Менга Абдурроҳман ибн Язид гапириб берган. У Абдуллоҳ ибн Масъуд билан биргалигида, у зот жамрага келдиларда, водийнинг ўртасига турдилар. Кўндаланг туриб, Батну водийдан еттитадан майда тош отдилар. Ва ҳар тош отишда такбир айтардилар. Мен: “Эй Абу Абдурроҳман! Одамлар унинг устидан отишмоқдаку?” десам, у зот: “Ўзидан ўзга илоҳ йўқ бўлган зотга қасамки, бу Бақара сураси нозил қилинган мақомдир”, дедилар.
000 (000) 3120. Аъмашдан ривоят қилинади: “Ҳажжождан эшитдим, у: “Бақара сураси, деб айтманглар”, дер эди.
307 (000) 3121. Абдураҳмон ибн Язийд розияллоҳу анҳудан ривоят қилинади: «У Ибн Масъуд билан бирга ҳаж қилди. Унинг катта тош отишни етти майда тош ила чап томонини қиблага, ўнг томонини Минога қилиб туриб отганини кўрди. Сўнгра: «Шу мақомда у зотга Бақара сураси нозил бўлган», деди».
308 (000) 3122. Шўъба ҳам ушбу санад билан ривоят қилиб лекин унда: “Қачонки Ақобада тош отгани келганларида”, деб айтганлар.
309 (000) 3123. Абдураҳмон ибн Язийд розияллоҳу анҳудан ривоят қилинади: «Абдуллоҳга: “Албатта одамлар тошни Ақобанинг устидан отишади”, дейилганида, Абдуллоҳ Батну водийдан отарди, деб, сўнгра: “Мана шу ердан отган. Ўзидан ўзга илоҳ йўқ бўлган зотга қасамки, у зотга Бақара сураси нозил бўлган жойдан отган», деди».
|