310 (1297) 3124. Жобир розияллоҳу анҳу айтадилар: «Набий соллаллоҳу алайҳи васалламнинг қурболик ҳайити куни уловлари устида туриб тош отаётганларини ва: «ҳаж ибодатларингизни мендан олишларингиз учун. Мен билмайман, эҳтимол ушбу ҳажимдан кейин ҳаж қилмасман», деганларини кўрдим».
311 (1298) 3125. Яҳё ибн Ҳусойн момолари Умму Ҳусойндан ривоят қиладилар: Умму Ҳусойнни: “Мен Расулуллоҳ соллаллоҳу алайҳи васаллам билан бирга видолашув ҳажида ҳаж қилдим. Ақобада тош отган пайтларини кўрдим. У зот уловлари устида жўнаб кетдилар. У зот билан бирга Билол ва Усомалар бор эди. Уларнинг бири уловни етаклаб олган эди, иккинчиси Расулуллоҳ соллаллоҳу алайҳи васалламнинг бошларини қуёшдан (тўсиш учун) кийимини кўтариб олган эди. Расулуллоҳ соллаллоҳу алайҳи васаллам жуда кўп сўзларни айтдилар. Ундан эшитганим: “Агар сизларга аъзоси кесик (ёки қора) қул бошлиқ қилинса ва у Аллоҳнинг китоби билан иш юритса, унга қулоқ тутиб, итоат қилинглар”, деб айтганларини эшитдим”.
312 (000) 3126. Яҳё ибн Ҳусойн момолари Умму Ҳусойндан ривоят қиладилар: Умму Ҳусойн: “Мен Набий соллаллоҳу алайҳи васаллам билан бирга видолашув ҳажида ҳаж қилдим. Усома ва Билолларни кўрдим. Уларнинг бири Набий соллаллоҳу алайҳи васалламнинг туялари жиловидан ушлаб олган эди. Иккинчиси у зот соллаллоҳу алайҳи васалламни иссиқдан (тўсиш учун) кийимини кўтариб олган эди. Ҳатто у зот Ақобада тош отдилар. Муслим айтдилар. Ровийлардан бири Абу Абдурроҳманнинг исми Холид ибн Абу Язид бўлиб, у Муҳаммад ибн Саламанинг тоғасидир. Бу кишидан Вакеъ ва Ҳажжож ал-Аъварлар ривоят қилишган.
|