248 (1270) 3056. Солимдан ривоят қилинади:
Бу зотнинг оталари гапириб бердилар.
“Умар ибн Хаттоб қора тошни ўпиб, сўнгра: “Аллоҳ номига қасам, сени тош эканингни биламан, агар Расулуллоҳ соллаллоҳу алайҳи васаллам сени ўпганларини кўрмаганимда сени асло ўпмас эдим”, дедилар.

249 (000) 3057. Ибн Умардан ривоят қилинади:
Умар қора тошни ўпдиларда: “Мен сени ўпмоқдаман. Биламанки, сен тошсан. Лекин Расулуллоҳ соллаллоҳу алайҳи васаллам сени ўпганларини кўрдим”, дедилар.

250 (000) 3058. Абдуллоҳ ибн Сиржисдан ривоят қилинади:
“Мен ал-Аслаъ яъни, Умар ибн Хаттобни қора тошни ўпиб, Аллоҳ номига қасам! Мен сени ўпмоқдаман. Албатта биламанки, сен фойда ҳам зарар ҳам бермайдиган тошсан. Агар Расулуллоҳ соллаллоҳу алайҳи васаллам ўпганларини кўрмаганимда сени ўпмас эдим, деганларини кўрдим”.

251 (000) 3059. Обис ибн Рабийъадан ривоят қилинади:
“Умарнинг қора тошни ўпиб, мен сени ўпмоқдаман. Биламанки, сен тошсан. Агар Расулуллоҳ соллаллоҳу алайҳи васаллам сени ўпганларини кўрмаганимда мен ҳам ўпмас эдим”, дедилар.

252 (1271) 3060. Сувайд ибн Ғафаладан ривоят қилинади:
“Умар қора тошни ўпиб, унга осилиб турдилар. Ва “Расулуллоҳ соллаллоҳу алайҳи васаллам сенга аҳамият бериб, ҳурматлаганларини кўрдим”, дедилар”.

000 (000) 3061. Бу ерда юқоридаги ҳадис такрор келган. Фақат: “Абулқосим соллаллоҳу алайҳи васаллам сенга аҳамият бериб, ҳурматлаганларини кўрдим”, бўлиб келган. Ва яна “унга осилиб турдилар”, сўзи айтмаганлар.