213 (1250) 3016. Анас розияллоҳу анҳудан ривоят қилинади:
“Али Ямандан қайтганларида, Набий соллаллоҳу алайҳи васаллам: “Нима билан эҳром боғладинг?” дегандилар, Али розияллоҳу анҳу: “Набий соллаллоҳу алайҳи васаллам боғлаган нарса билан эҳром боғладим”, дедилар. Шунда Набий соллаллоҳу алайҳи васаллам: “Агар мен билан бирга аталган қурбонлик бўлмаганида, эҳромдан чиқар эдим”, дедилар”.

000 (000) 3017. Бу ерда юқоридаги ҳадис такрор келган.

214 (1251) 3018. Яҳё ибн Абу Исҳоқ ва Абдулазиз ибн Суҳайб ва Ҳумайдлардан ривоят қилинади:
Булар Анас розияллоҳу анҳудан эшитишган экан.
“Расулуллоҳ соллаллоҳу алайҳи васаллам ҳаж ва умрага бир эҳром боғлаб: “Лаббайка умратан ва ҳажжан, лаббайка умратан ва ҳажжан”, деб айтдилар”.

215 (000) 3019. Яҳё айтадилар.
Анасдан эшитдим. Бу зот Набий соллаллоҳу алайҳи васалламдан эшитган эканлар.
Набий соллаллоҳу алайҳи васаллам: “Лаббайка умротан ва ҳажжан”, деб айтганлар.
Ҳумайд ривоятларида эса Расулуллоҳ соллаллоҳу алайҳи васаллам: “Лаббайка биумротин ва ҳажжин”, деб айтганлар.

216 (1252) 3020. Абу ҳурайра розияллоҳу анҳудан ривоят қилинади:
Набий соллаллоҳу алайҳи васаллам:
«Жоним қўлида бўлган зот ила қасамки, албатта, Ибн Марям Равҳадан ҳаж ёки умра учун ёхуд иккисини жамлаб эҳром боғлаб, талбия айтажак», дедилар».

000 (000) 3021. Бу ерда юқоридаги ҳадис такрор келган. Фақат: «Жоним қўлида бўлган зот ила қасамки”, сўзи ўрнига «Муҳаммаднинг жони қўлида бўлган зот ила қасамки”, бўлиб келган.

000 (000) 3022. Бу ерда юқоридаги ҳадис такрор келган.