209 (1246) 3011. Товусдан ривоят қилинади: Ибн Аббос айтадилар. “Муовия: “Биласизми, мен марвада Расулуллоҳ соллаллоҳу алайҳи васалламнинг сочларини мишқос (қайчига ўхшаш нарса) билан қисқалаштирдим?” деганларида, мен: “Бу гапингиз фақат ўзингизни зарарингизга бўлади”, дедилар”. (Изоҳ: Чунки Муовия сочларини қисқартириб қўйдим, деганларида ҳали Исломга кирмаган эдилар).
210 (000) 3012. Товусдан ривоят қилинади: Ибн Аббос айтадилар. “Муовия ибн Абу Суфён: “Расулуллоҳ соллаллоҳу алайҳи васаллам марвада эканларида сочларини мишқос (қайчига ўхшаш нарса) билан қисқалаштирдим? Ёки марвада эканларида мишқос (қайчига ўхшаш нарса) билан қисқалаштирилганини кўрдим”, дедилар”.
211 (1247) 3013. Абу Саъиддан ривоят қилинади: “Бизлар Расулуллоҳ соллаллоҳу алайҳи васаллам билан бирга ҳажга чиқиб, ҳажда (талбия айтиш билан) қаттиқ овоз билан бақирар эдик. Қачонки, Маккага келганимизда, умра қилмоғимизга буюрдилар. Фақат қурбонлик атаганлар бундан истисно эдилар. Қачонки тарвия куни бўлганида, Минога бордик, ҳажга эҳром боғладик”.
212 (1248) 3014. Абу Саъид Худрий розияллоҳу анҳудан ривоят қилинади: “Бизлар ҳажга (талбия айтиб) қаттиқ овоз билан бақирар эдик”.
000 (1249) 3015. Абу Назрадан ривоят қилинади: “Мен Жобир ибн Абдуллоҳ ҳузурларида эдим. Бир киши келиб: “Ибн Аббос ва Ибн Зубайр икки таматтуъ ҳақида ихтилоф қилиб қолишди”, деди. Шунда Жобир: “Бизлар Расулуллоҳ соллаллоҳу алайҳи васаллам билан бирга шуни бажардик. Сўнгра ундан Умар ман қилдилар. Унга такрор қайтмадик”, дедилар”.
|