194 (1238) 2995. Муслим ал-Қуррийдан ривоят қилинади:
“Ибн Аббос розияллоҳу анҳудан ҳаждаги таматтуъ ҳақида сўрадим. У зот рухсат бердилар. Ибн Зубайр эса ундан ман қилардилар. Ва: Мана бу Ибн Зубайрнинг онаси. Сизлар онамнинг олдларига кириб, сўранглар, Расулуллоҳ соллаллоҳу алайҳи васаллам таматтуъга рухсат берганларини гапириб юрар эди”, деди. Биз кирсак у аёл гавдалик ва кўзи ожиз аёл экан. У аёл: “Расулуллоҳ соллаллоҳу алайҳи васаллам унга рухсат берганлар”, деди.

195 (000) 2996. 000 (000) 2713. Бу ерда юқоридаги ҳадис такрор келган. Фақат: “Ҳаж таматтуъси”, деган сўз зикр қилинмаган.
Ибн Жаъфар: “Ҳаж таматтуъсими ёки аёллардан ҳузурланишми? билмайман”, дедилар.

196 (1239) 2997. Муслим ал-Қуррий айтадилар:
“Ибн Аббос розияллоҳу анҳу: “Набий соллаллоҳу алайҳи васаллам умрага эҳром боғладилар. Саҳобалари эса ҳажга эҳром боғлашди. Набий соллаллоҳу алайҳи васаллам ва қурбонлик атаган саҳобалари эҳромдан чиқишмади. Қолганлар эса эҳромдан чиқишди. Толҳа ибн Убайдуллоҳ қурбонлик атаб, эҳромдан чиқмаганлардан эди”, дедилар.

197 (000) 2998. Шўъба ҳам ушбу санад билан ривоят қилиб, лекин унда: “Толҳа ибн Убайдуллоҳ ва бошқа бир киши қурбонлик атамаганлардан бўлиб, эҳромдан чиқишди”, дедилар.