149 (000) 2943. Жобир розияллоҳу анҳудан ривоят қилинади. Бу зот ана шу ҳадисларида:
«Набий соллаллоҳу алайҳи васаллам:
«Мана бу ерда сўйдим. Минонинг ҳаммаси сўйиш жойидир. Бас, юкларингиз жойида сўйинг. Мана бу ерда туриш қилдим. Арофатнинг ҳаммаси туриш жойидир. Мана бу ерда туриш қилдим. Жамъ (Муздалифа)нинг ҳаммаси туриш жойидир», дедилар».

150 (000) 2944. Жобир ибн Абдуллоҳ розияллоҳу анҳудан ривоят қилинади:
"Расулуллоҳ соллаллоҳу алайҳи васаллам Маккага келгач ҳажар (қора тош)ни олдига келдиларда, уни истилом қилдилар. Сўнгра ўнг томонларига юриб, учта рамл юриш, тўртта оддий юриш (билан Каъбани тавоф) қилдилар".