91 (1205) 2881. Иброҳим ибн Абдуллоҳ ибн Ҳунайн оталаридан ривоят қилинади:
"Абдуллоҳ ибн Аббос ва Мисвар ибн Махрама розияллоҳу анҳумолар "Абво" номли жойда ихтилоф қилиб қолишди. Абдуллоҳ ибн Аббос: "Эҳромдаги киши бошини ювади", десалар, Мисвар: "эҳромдаги киши бошини ювмайди", дедилар. Ибн Аббос мени, бу ҳақда сўраш учун Абу Аййуб ал-Ансорийнинг ҳузурларига жўнатдилар. Борсам у зот икки устун ўрнатилган қудуқда ғусл қилаётган эканлар. (Мени кўргач) кийимлари билан тўсиниб олдилар. У зотга салом бердим. Бу ким? Деган эдилар, мен Абдуллоҳ ибн Ҳунайнман, Абдуллоҳ ибн Аббос Расулуллоҳ соллаллоҳу алайҳи васаллам эҳромдалик пайтларида бошларини қандай ювганларини сўраб келиш учун сизни ҳузурингизга юбордилар дедим. Абу Аййуб қўлларини кийимларига қўйиб, энгашдилар ҳатто бошлари менга кўриниб қолди. Сўнгра сув қуяётган кимсага бошларига сув қуйишини айтдилар. Бошларига сув қуйган эди, уни қўллари билан ҳаракатлантириб, икки қўлларини бошларини боши ва охирига олиб келдилар. Сўнгра: "Расулуллоҳ соллаллоҳу алайҳи васалламни мана шундай қилганларини кўрдим", дедилар".

92 (000) 2882. Зайд ибн Аслам ушбу санад билан ривоят қилдилар.
Абу Аййуб қўлларини бошларини ҳамма ерига юргизиб, боши ва охирига олиб бордилар. Мисвар Ибн Аббосга: "Сиз билан ҳеч тортишмайман", деб айтдилар.