146 (1143) 2676. Муҳаммад ибн Аббод ибн Жаъфар розияллоҳу анҳудан ривоят қилинади: "Жобир ибн Абдуллоҳ байтуллоҳни тавоф қилаётганларида: "Расулуллоҳ соллаллоҳу алайҳи васаллам жума куни рўза тутишдан ман қилганларми?" десам, у зот: "Ҳа, мана шу уйнинг Роббисига қасам", дедилар".
000 (000) 2677. Бу ерда юқоридаги ҳадис такрор келган.
147 (1144) 2678. Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам: "Сизлардан бирингиз якка жума кунини ўзида рўза тутмасин. Фақат ундан олдин ёки ундан кейин (қўшиб) рўза тутса зарари йўқ", дедилар".
148 (000) 2679. Абу Ҳурайра розияллоҳу анҳудан ривоят қилинади: "Набий соллаллоҳу алайҳи васаллам: "Жума кечасидаги тунги намозга, бошқа кечалардан хослаб олманглар. Жума кундузида рўза тутишга, бошқа кунлардан хослаб олманглар. Фақат сизлардан бирингизни одатидаги рўзасига тўғри келиб қолса зарари йўқ", дедилар.
|