138 (1137) 2666. Ибн Азҳарнинг қуллари Абу Убайддан ривоят қилинади:
"Мен Умар ибн Хаттоб билан бирга ҳайит куни иштирок этдим. У зот келиб, намоз ўқидилар. Кейин бориб, одамларга хутба ўқиб, унда: "Албатта бу икки кунда Расулуллоҳ соллаллоҳу алайҳи васаллам рўза тутишдан ман қилдилар. У, рўзаларингизни тугатиб, оғиз очганингизда, иккинчиси, қурбонликларингизни еган кунингизда", дедилар".

139 (1138) 2667. Абу Ҳурайра розияллоҳу анҳудан ривоят қилинади:
"Расулуллоҳ соллаллоҳу алайҳи васаллам икки кун, яъни, фитр куни ва қурбонлик куни (ёки қурбонлик куни ва фитр куни) рўза тутишдан ман қилдилар".

140 (827) 2668. Қазаъа розияллоҳу анҳу Абу Саид розияллоҳу анҳудан ривоят қиладилар:
"Абу Саид розияллоҳу анҳудан бир ҳадис эшитган эдим, у мени ажаблантирди. Абу Саидга: "Шуни Расулуллоҳ соллаллоҳу алайҳи васалламдан эшитганмисиз?" десам, у зот: "Сенга эшитмаган нарсамни Расулуллоҳ соллаллоҳу алайҳи васалламдан эшитдим, деб гапирармидим. Расулуллоҳ соллаллоҳу алайҳи васаллам: "Бу икки кун, яъни, қурбонлик ва Рамазон фитр кунида рўза тутиш дуруст бўлмайди", деганлар", деб айтдилар".

141 (000) 2669. Абу Саид ал-Худрий розияллоҳу анҳудан ривоят қилинади:
Расулуллоҳ соллаллоҳу алайҳи васаллам икки кун, яъни, фитр куни ва қурбонлик кунида рўза тутишдан ман этдилар.

142 (1139) 2670. Зиёд ибн Жубайр розияллоҳу анҳудан ривоят қилинади:
"Бир киши Ибн Умар розияллоҳу анҳу ҳузурларига келиб, мен бир кун рўза тутишни назр қилдим. У қурбонлик ёки фитр кунига мувофиқ бўлиб қолди. Шунда Ибн Умар розияллоҳу анҳу: "Албатта Аллоҳ назрга вафо қилишни буюрган. Расулуллоҳ соллаллоҳу алайҳи васаллам эса бу кун рўза тутишдан ман этганлар", дедилар".

143 (1140) 2671. Оиша розияллоҳу анҳудан ривоят қилинади:
Расулуллоҳ соллаллоҳу алайҳи васаллам икки кундаги, яъни фитр ва қурбонлик кунидаги рўзадан ман этдилар.