132 (1133) 2659. Ҳакам ибн Аъраж розияллоҳу анҳудан ривоят қилинади:
«Замзам олдида ридоси устида ёнбошлаб ётган Ибн Аббоснинг ҳузурига бориб:
«Менга Ашуро рўзаси ҳақида хабар бер», дедим.
Ибн Аббос розияллоҳу анҳу: «Қачон муҳаррамнинг ҳилолини кўрсанг санаб бор, тўққизинчи куни рўза тутган ҳолда тонг оттир», дедилар. Мен: «Расулуллоҳ соллаллоҳу алайҳи васаллам шундоқ қилиб, унинг рўзасини тутар эдиларми?» десам, у зот: «Ҳа», дедилар».

000 (000) 2660. Бу ерда юқоридаги ҳадис такрор келган.

133 (1134) 2661. Ибн Аббос розияллоҳу анҳудан ривоят қилинади:
«Расулуллоҳ соллаллоҳу алайҳи васаллам Ашуро куни рўзасини тутдилар ва у куннинг рўзасини тутишга амр қилдилар. Одамлар: «Эй Аллоҳниниг Расули, бу кунни яҳудий ва насоролар улуғлайдилар», дейишди. У зот соллаллоҳу алайҳи васаллам: «Қачон келаси йил бўлса, иншааллоҳ, тўққизинчи куннинг рўзасини ҳам тутамиз», дедилар. Бас, келаси йил бўлмасдан туриб, Расулуллоҳ соллаллоҳу алайҳи васаллам вафот этдилар».

134 (000) 2662. Ибн Аббос розияллоҳу анҳудан ривоят қилинади:
«Расулуллоҳ соллаллоҳу алайҳи васаллам: «Агар келаси йилгача қолсам албатта тўққизинчи куннинг рўзасини ҳам тутаман», дедилар».
Абу Бакрнинг ривоятида: "Яъни ашуро кунини", бўлиб келган.