103 (1121) 2620. Оиша розияллоҳу анҳудан ривоят қилинади:
"Ҳамза ибн Амр ал-Асламий Расулуллоҳ соллаллоҳу алайҳи васалламдан сафардаги рўза ҳақида сўради. Шунда Расулуллоҳ соллаллоҳу алайҳи васаллам: "Агар хоҳласанг рўза тут. Агар хоҳласанг оғзингни оч", дедилар".

104 (000) 2621. Оиша розияллоҳу анҳудан ривоят қилинади:
"Ҳамза ибн Амр ал-Асламий Расулуллоҳ соллаллоҳу алайҳи васалламдан: "Эй Аллоҳнинг расули! Мен рўзани орқама-орқа тутувчи кишиман, сафарда рўза тутаманми? Деб сўради. Шунда Расулуллоҳ соллаллоҳу алайҳи васаллам: "Рўза тут агар хоҳласанг. Оғзингни оч агар хоҳласанг", дедилар".

105 (000) 2622. Бу ерда юқоридаги ҳадис такрор келган.

106 (000) 2623. Бу ерда юқоридаги ҳадис такрор келган. Фақат ушбу санадда Ҳамза: "Мен рўза тутиб юрадиган кишиман, сафарда рўза тутаманми?" бўлиб келган.

107 (1121 (б)) 2624. Ҳамза ибн Амр ал-Асламий розияллоҳу анҳудан ривоят қилинади:
"Бу зот: "Эй Аллоҳнинг расули! Сафарда рўза тутишга ўзимда қувват борлигини биламан. Рўза тутсам гуноҳ бўладими?" деганларида, Расулуллоҳ соллаллоҳу алайҳи васаллам: "У Аллоҳ томонидан бўлган рухсатдир. Ким у рухсатга амал қилса яхши. Ким рўза тутишни яхши кўрса зарари йўқ", дедилар".
Ҳорун ҳадисларида "У рухсатдир", деган сўзни айтдилар-у, аммо "Аллоҳ томонидан" дейилган сўзни зикр қилмадилар.

108 (1122) 2625. Абу Дардо розияллоҳу анҳудан ривоят қилинади:
"Бизлар, рамазон ойида, иссиқ қаттиқ бўлган кунда Расулуллоҳ соллаллоҳу алайҳи васаллам билан бирга (сафарга) чиқдик. Иссиқ қаттиқ бўлганидан баъзиларимиз қўлини бошига қўйиб олар эди. Орамизда фақат Расулуллоҳ соллаллоҳу алайҳи васаллам ва Абдуллоҳ ибн Равоҳаларгина рўзадор эдилар".

109 (000) 2626. Абу Дардо розияллоҳу анҳудан ривоят қилинади:
"Бизларни, Расулуллоҳ соллаллоҳу алайҳи васаллам билан бирга, иссиқ қаттиқ бўлган кунда сафарга чиққанимизни кўрганингда эди,  ҳатто баъзиларимиз иссиқни шиддатидан қўлини бошига қўйиб олар эди. Орамизда фақат Расулуллоҳ соллаллоҳу алайҳи васаллам ва Абдуллоҳ ибн Равоҳаларгина рўзадор эдилар".