45 (1095) 2544. Анас розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Саҳарлик қилинглар. Албатта, саҳарликда барака бордир», дедилар.
46 (1096) 2545. Амр ибн Осс розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Бизнинг рўзамиз билан аҳли китобларнинг рўзаси орасидаги фарқ саҳарлик емагидадир», дедилар».
000 (000) 2546. Бу ерда юқоридаги ҳадис такрор келган.
47 (1097) 2547. Зайд ибн Собит розияллоҳу анҳудан ривоят қилинади: «Биз Расулуллоҳ соллаллоҳу алайҳи васаллам билан бирга саҳарлик қилдик. Сўнгра намозга турдик», деди. «Азон билан саҳарлик орасида қанча бор эди?» дедим. «Эллик оят миқдорича», деди».
000 (000) 2548. Бу ерда юқоридаги ҳадис такрор келган.
48 (1098) 2549. Саҳл ибн Саъд розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Модомики ифторни тез қилар эканлар, кишилар хайрликда бўлурлар», дедилар.
000 (000) 2550. Бу ерда юқоридаги ҳадис такрор келган.
49 (1099) 2551. Абу Атийя розияллоҳу анҳудан ривоят қилинади: «Масруқ иккимиз Оишанинг олдига кириб: «Эй мўминларнинг онаси, Муҳаммад соллаллоҳу алайҳи васалламнинг саҳобаларидан икки киши, икковлари ҳам яхшиликка бўш келмайдилар. Бирлари ифтор билан шом намозни тезлатади. Бошқаси эса, ифтор билан шом намозни ортга суради», дедик. «Икковларидан қай бири ифторни ва намозни тезлатур?» деди. «Абдуллоҳ ибн Масъуд», дедик. «Расулуллоҳ соллаллоҳу алайҳи васаллам шундоқ қилур эдилар», деди. Абу Курайб, бошқаси Абу Мусо эди, дедилар.
50 (000) 2552. Абу Атийя розияллоҳу анҳудан ривоят қилинади: «Масруқ ва мен Оишанинг олдига кирганимизда, Масруқ: «Муҳаммад соллаллоҳу алайҳи васалламнинг саҳобаларидан икки киши, икковлари ҳам яхшиликка бўш келмайдилар. Бирлари ифтор билан шом намозни тезлатади. Бошқаси эса, ифтор билан шом намозни ортга суради», дедик. «Икковларидан қай бири ифторни ва намозни тезлатур?» деди. «Абдуллоҳ ибн Масъуд», деди. «Расулуллоҳ соллаллоҳу алайҳи васаллам шундоқ қилур эдилар», деди.
|