161 (1069) 2470. Абу Ҳурайра розияллоҳу анҳудан ривоят қилинади:
«Ҳасан ибн Али розияллоҳу анҳу садақанинг хурмосидан бир дона олиб оғзига солди. Бас, Расулуллоҳ соллаллоҳу алайҳи васаллам: «Қиҳ-қиҳ!» деб, уни отиб юбор дедилар. Сўнгра:
«Биз садақа емаслигимизни билмасмидинг?» дедилар».

000 (000) 2471. Шўъбадан ривоят қилган санадда, Расулуллоҳ соллаллоҳу алайҳи васаллам: «Бизга садақа ҳалол эмаслигини билмасмидинг?!» дедилар», дейилган.

000 (000) 2472. Ибн Муоз санадларида: "Бизлар садақа емаймиз", бўлиб келган.

162 (1070) 2473. Абу Ҳурайра розияллоҳу анҳудан ривоят қилинади:
"Расулуллоҳ соллаллоҳу алайҳи васаллам: "Мен аҳлим ҳузурига қайтиб борсам, тўшагим устида тушиб қолган хурмони кўрдим. Ейиш учун кўтарган эдим сўнгра садақа бўлса керак деб қўрқиб кетиб, улоқтириб юбордим", дедилар.

163 (1070) 2474. Абу Ҳурайра розияллоҳу анҳудан ривоят қилинади:
"Расулуллоҳ соллаллоҳу алайҳи васаллам: "Аллоҳга қасам! Мен аҳлим ҳузурига қайтиб борсам, тўшагим устида (ёки уйимда) тушиб қолган хурмони кўрдим. Ейиш учун кўтарган эдим сўнгра садақа бўлса керак деб қўрқиб кетиб, улоқтириб юбордим", дедилар.

164 (1071) 2475. Анас ибн Молик розияллоҳу анҳудан ривоят қилинади:
Набий соллаллоҳу алайҳи васаллам бир хурмо топиб олиб: "Агар садақа бўлмаганида мен уни еган бўлар эдим", дедилар.

165 (000) 2476. Анас ибн Молик розияллоҳу анҳудан ривоят қилинади:
Расулуллоҳ соллаллоҳу алайҳи васаллам йўлда бир хурмо олдидан ўтиб: "Агар садақа бўлмаганида мен уни еган бўлар эдим", дедилар.

166 (000) 2477. Анас ибн Молик розияллоҳу анҳудан ривоят қилинади:
Набий соллаллоҳу алайҳи васаллам бир хурмо топиб олиб: "Агар садақа бўлмаганида мен уни еган бўлар эдим", дедилар.