158 (1067) 2466. Абу Зарр розияллоҳу анҳудан ривоят қилинади: Расулуллоҳ соллаллоҳу алайҳи васаллам: "Мендан кейин умматимдан бир қавм бўлади. Улар Қуръон ўқийдилар лекин халқумларидан нарига ўтмайди. Диндан худди камондан ўқ чиққанидек чиқиб кетишади. Кейин ҳам динга қайтишмайди. Улар халойиқни ва хилқатни энг ёмонидирлар", дедилар. Ибн Сомит айтадилар. Ҳакам ал-Ғифорий акаси Рофеъ ибн Амр ал-Ғифорийга йўлиқиб, Абу Зарр ундай ва бундай, деб айтаётган ҳадисни эшитдим, деб у кишига юқоридаги ҳадисни зикр қилсам, у зот: "Мен ҳам уни Расулуллоҳ соллаллоҳу алайҳи васалламдан эшитганман", дедилар.
159 (1068) 2467. Юсайр ибн Амр розияллоҳу анҳудан ривоят қилинади: Саҳл ибн Ҳунайфдан, сиз ҳам Набий соллаллоҳу алайҳи васалламни хаворижлар ҳақида зикр қилган нарсаларини эшитганмисиз? Деб сўрасам, у зот: "Эшитганман, деб қўллари билан машриқ томонга ишора қилдилар. Бир қавм Қуръон ўқишади-да у ўмровларидан нарига ўтмайди. Диндан худди камондан ўқ чиққани каби чиқиб кетишади, деганлар", деб айтдилар.
000 (000) 2468. Сулаймон Шайбоний ҳам юқоридаги санад билан ривоят қилиб: "Ундан қавмлар чиқади", дедилар.
160 (000) 2469. Саҳл ибн Ҳунайф розияллоҳу анҳудан ривоят қилинади: Набий соллаллоҳу алайҳи васаллам: "Сочларини қиртишлаб олган, машриқ томондан чиққан бир қавм ҳақдан тойилиб, золалатга кетади", дедилар.
|