82 (1025) 2365. Абу Лаҳмнинг қуллари Умайрдан (р.а.) ривоят қилинади:
"Расулуллоҳ (с.а.в.)дан, ҳожамнинг мол-мулкидан бирор нарса садақа қилаверайми? Деб сўрасам, у зот: "Ҳа, ажр икковингиз орангизда яримтадан бўлади", дедилар.

83 (000) 2366. Абу Лаҳмнинг қуллари Умайрдан (р.а.) ривоят қилинади:
Ҳожам гўшт қуритишни менга амр қилди. Гўштни қуритаётганимда бир мискин келиб қолди. Мен ўша гўштдан бироз овқатлантирдим. Буни ҳожам билиб қолиб, мени урди. Мен Расулуллоҳ (с.а.в.) ҳузурларига бориб, бу ҳақда хабар берган эдим, ҳожамни чақириб: "Уни нима учун урдинг", дедилар. Ҳожам: "Буюрмасам ҳам овқатимдан берибди", деди. Шунда Расулуллоҳ (с.а.в.): "Ажр икковингиз орангизда (баробардир)", дедилар.

84 (1026) 2367. Абу Ҳурайрадан (р.а.) ривоят қилинади:
"Аллоҳнинг расули Муҳаммад (с.а.в.):
"Аёл киши эри борлигида фақат эрининг розилиги билангина рўза тутсин. Уйига бирор кишини киритишда фақат эрининг розилиги билан киритсин. Эрининг касб қилган нарсасидан изнисиз инфоқ қилса ярим савоб эригадир", дедилар".