79 (1023) 2360. Абу Мусо розияллоҳу анҳудан ривоят қилинади: «Набий соллаллоҳу алайҳи васаллам: «Омонатли хазиначи ўзига амр қилинган нарсани тўла-тўкис, сидқидилдан буюрилган жойга адо этиб турса, икки садақа берувчининг бири бўлади», дедилар».
80 (1024) 2361. Оиша розияллоҳу анҳодан ривоят қилинади: «Расулуллоҳ соллаллоҳу алайҳи васаллам: «Қачон бир аёл уйидаги таомдан исроф қилмай инфоқ қилса, унга инфоқ қилган нарсаси туфайли ажр бўлур. Унинг эрига касб қилгани туфайли ажр бўлур. Хазиначига ҳам ўшанинг мислича (ажр) бўлур. Баъзилари баъзиларининг ажридан ҳеч нарсани ноқис қилмаслар», дедилар».
000 (000) 2362. Бу ердаги ҳадис такрор келган. Фақат: "Уйидаги овқатидан" ўрнига "Эрининг овқатидан", бўлиб келган.
81. (000) 2363. Оиша розияллоҳу анҳодан ривоят қилинади: «Расулуллоҳ соллаллоҳу алайҳи васаллам: «Қачон бир аёл эри уйидаги таомдан исроф қилмай инфоқ қилса, унга инфоқ қилган нарсаси туфайли ажр бўлур. Унинг эрига касб қилгани туфайли у каби ажр бўлур. Аёлга ҳам инфоқ қилгани учун ажр бўлур. Хазиначига ҳам ўшанинг мислича (ажр) бўлур. Баъзилари баъзиларининг ажридан ҳеч нарсани камайтирмаслар», дедилар».
000 (000) 2364. Бу ерда юқоридаги ҳадис такрор келган.
|