63 (1014) 2339. Абу Ҳурайрадан (р.а.) ривоят қилинади: «Расулуллоҳ (с.а.в.): «Қай бир киши ҳалол-покдан садақа қилса, Аллоҳ ҳалол-покдан бошқани қабул ҳам қилмайди, албатта, Аллоҳ у(садақа)ни ўнг қўли билан қабул қилиб олади. Агар у бир дона хурмо бўлса ҳам Раҳмоннинг кафтида ўсади. Ҳаттоки, тоғдан ҳам катта бўлиб кетади. Худди бирингиз тойчоғи ёки бўталоғини тарбия қилганидек», дедилар».
64 (000) 2340. Абу Ҳурайрадан (р.а.) ривоят қилинади: «Расулуллоҳ (с.а.в.): «Қай бир киши ҳалол-пок хурмосидан садақа қилса, Аллоҳ у(садақа)ни ўнг қўли билан қабул қилиб олиб, худди бирингиз тойчоғи ёки ўрта ёшли туясини тарбия қилганидек тарбиялайди, ҳаттоки у, тоғдан ҳам катта бўлиб кетади», дедилар».
000 (000) 2341. Бу ерда юқоридаги ҳадис такрор келган. Фақат "ҳалол-пок касбни ўз ҳаққига қўяди" ёки "ўз ўрнига қўяди", деб айтилган.
000 (000) 2342. Бу ерда юқоридаги ҳадис такрор келган.
65 (1015) 2343. Абу Ҳурайрадан (р.а.) ривоят қилинади: «Расулуллоҳ (с.а.в.): "Эй одамлар! Албатта Аллоҳ покдир ва фақат пок нарсанигина қабул этади. Аллоҳ пайғамбарларига нимани буюрган бўлсамўминларга ҳам ўша нарсани буюргандир. Аллоҳ бу ҳақда Мўъминун сурасининг 51-оятида "Эй пайғамбарлар, халол-пок таомлардан енглар ва яхши амаллар қилинглар!" ва яна Бақара сурасининг 172-оятида "Эй пайғамбарлар, халол-пок таомлардан енглар ва яхши амаллар қилинглар!", деб айтган. Сўнгра Расулуллоҳ (с.а.в.) (ҳаж ва шунга ўхшаш ибодат учун) узоқ сафар қилиб, сочлари тўзғиб, усти ғубор бўлиб кетган кишини зикр қилдилар. У: "Эй раббим! Эй раббим! Деб (дуо) айтаверади. Лекин еяётган овқати ҳаром, ичимлиги ҳаром, кийими ҳаром ва ўсиб-улғайиши ҳаром. Қандай қилиб у кишининг дуоси қабул қилинсин", дедилар.
|