Воқид ибн Амр ибн Саъд ибн Муоздан (р.а.) ривоят қилинади: «Нофеъ ибн Жубайр мени кўриб қолдилар. Биз ўшанда тобут ўтгани учун тик турган эдик. У киши эса тобут қўйилишини ўтириб олиб кутар эди. Шунда у киши: "Сени нима нарса тик турғизмоқда", дедилар. Мен: "Тобутни қўйилишини кутмоқдаман. Чунки Абу Саид ал-Худрий шу ҳақда гапирганлар", дедим. Нофец: "Масъуд ибн Ҳакам менга Али ибн Абу Толибдан ривоят қилиб гапирдилар. Расулуллоҳ (с.а.в.) тик туриб кейин ўтирганлар, дедилар». Масъуд ибн Ҳакам ал-Ансорийдан (р.а.) ривоят қилинади: «Бу зот Али ибн Абу Толибдан тобут ҳақида эшитганлар. Албатта Расулуллоҳ (с.а.в.) тик туриб, кейин ўтирганлар. Шу ҳақда гапиришларига сабаб, чунки Нофеъ ибн Жубайр (р.а.) Воқид ибн Амрни то тобут қўйилгунча тик турганлар». Бу ерда юқоридаги ҳадис такрор келган. Алидан (р.а.) ривоят қилинади: «Биз Расулуллоҳ (с.а.в.) ни жанозада тик турганларини кўриб тик турдик. Ўтирганларини кўриб ўтириб олдик». Бу ерда юқоридаги ҳадис такрор келган.
|