(881) 67. Абу Ҳурайрадан (р.а.) ривоят қилинади. Расулуллоҳ (с.а.в.): "Агар сизлардан бирингиз жумани ўқиб бўлса ундан кейин тўрт ракат (суннатни) ўқисин", дедилар.
(…) 68. Абу Ҳурайрадан (р.а.) ривоят қилинади. Расулуллоҳ (с.а.в.): "Агар жумадан кейин намоз ўқисанглар тўрт ракат намоз ўқинглар", деб айтдилар. Амрнинг ривоятларида қуйидаги зиёда қилинган. Суҳайл айтдилар. Агар бирор нарса сизни шошилтириб қўйса масжидда икки ракат, уйга қайтганингизда икки ракат ўқинг.
(…) 69. Абу Ҳурайрадан (р.а.) ривоят қилинади. Расулуллоҳ (с.а.в.): "Сизлардан ким жумадан кейин намоз ўқийдиган бўлса тўрт ракат ўқисин", дедилар. Жарирнинг ҳадисларида "Сизлардан", дейилган талаффуз йўқ.
(882) 70. Абдуллоҳдан (р.а.) ривоят қилинади. Бу зот агар жумани ўқиб бўлсалар уйларига қайтиб, икки ракат намоз ўқирдиларда, кейин: "Расулуллоҳ (с.а.в.) мана шундай қилардилар", деб айтдилар.
(…) 71. Абдуллоҳ ибн Умардан (р.а.) ривоят қилинади. Бу киши Расулуллоҳ (с.а.в.)нинг нафл намозлари хусусида гапириб: "У зот жумадан кейин намоз ўқимасдан жўнаб, уйларида икки ракат намоз ўқирдилар. Яҳё айтдилар. "Намоз ўқирдилар" ёки "албатта" (икки ракат ўқирдилар) деб ўқидим.
(…) 72. Солим оталаридан (р.а.) ривоят қиладилар. Набий (с.а.в.) жумадан кейин икки ракат намоз ўқирдилар.
(883) 73. Умар ибн Ато ибн Абу ал-Хувардан ривоят қилинади. Нофеъ ибн Жубайр бу кишини Намирнинг жияни Соибга жўнатиб, намозда Муовия бу кишида қандай нарса кўрганлари хусусида сўрадилар. Шунда Соиб: "Ҳа ҳақиқатда мен жума намозини алоҳида ажратилган меҳробда Муовия билан ўқидим. Қачонки имом салом бергач, ўрнимда турган ҳолимда намозни бошладим. Муовия у ерга киргач (ҳолатни кўриб) одам жўнатиб: "Бу бажарган ишингни қайта қилма. Агар жумани ўқисанг, то гапирмагунингча ёки у ердан чиқиб кетмагунча улаб юборма. Чунки Набий (с.а.в.) бизни то гапириб ёки чиқиб кетмагунча намозни намозга уламасликни бурюганлар", деб айтдилар. Бу ерда юқоридаги ҳадис такрор келган.
|