(877) 61. Ибн Абу Рофеъдан (р.а.) ривоят қилинади. Марвон Маккага кетаётиб, Мадинага Абу Ҳурайрани ўринбосар қилиб кетди. Абу Ҳурайра (р.а.) бизга жума намози ўқиб берди. (Биринчи ракатда) жума сурасини ўқиганидан кейин, иккинчи ракатда "Иза жаакал мунофиқун", ни ўқиди. Абу Ҳурайра (р.а.) кетаётганида мен унга учрашиб: "Сиз икки сурани ўқидингиз. Али ибн Абу Толиб ҳам икки сурани Куфада ўқирдилар", десам, Абу Ҳурайра (р.а.) "Мен ҳам Расулуллоҳ (с.а.в.)ни жума куни ана шу икки сурани ўқиганларини эшитганман", дедилар.
Бу ерда юқоридаги ҳадис такрор келган.

(878) 62. Нўъмон ибн Баширдан (р.а.) ривоят қилинади. Расулуллоҳ (с.а.в.) икки ҳайит ва жумада "Саббиҳисма роббикал аъла" ва "Ҳал атака ҳадисул ғошия" ни ўқирдилар. Бордию ҳайит намози билан жума бир кунда жам бўлиб қолса ҳам икки намозда ҳам у икки сурани ўқирдилар.
Бу ерда юқоридаги ҳадис такрор келган.

(…) 63. Убайдуллоҳ ибн Абдуллоҳдан (р.а.) ривоят қилинади. Заҳҳок ибн Қайс Нўъмон ибн Баширга мактуб ёзиб, унда Расулуллоҳ (с.а.в.)ни жума куни жума сурасидан ташқари яна бошқа қайси сурани ўқиганларини сўраганларида, Нўъмон ибн Башир "У зот "Ҳал атака" сурасини ўқирдилар", деб айтдилар.