(823) 280. Абу Исҳоқдан (р.а.) ривоят қилинади. Бир кишини кўрдим. У Асвад ибн Язид масжидда Қуръондан таълим бераётганларида қуйидаги "Фаҳал мин муддакир" оятини "Дол" ҳарфи билан ўқийсизми ёки "Зол" ҳарфи билан ўқийсизми? Деб сўраганида, Абу Исҳоқ: "Балки "Дол" ҳарфидир. Мен Абдуллоҳ ибн Масъуддан эшитдим. У зот Расулуллоҳ (с.а.в.)дан "Муддакир", сўзини "Дол" билан ўқиганларини эшитганлар”, дедилар.

(…) 281. Абдуллоҳдан (р.а.) ривоят қилинади. Набий (с.а.в.) "Фаҳал мин муддакир" деб "Дол" ҳарфи билан ўқидилар.
(824) 282. Алқамадан (р.а.) ривоят қилинади. Биз Шомга борсак, олдимизга Абу Дардо келиб: "Ичингизда бирор киши Абдуллоҳнинг қироатлари каби ўқий оладими?" деб сўраганларида, "Ҳа мен" деб айтдим. Абдуллоҳ мана бу "Валлайли иза яғша", оятини қандай ўқирдилар, деганларида, мен: "Валлайли иза яғшаа ваззакари вал унса", деб эшитганман", дедим. Шунда у зот: "Аллоҳ номига қасам мен ҳам Расулуллоҳ (с.а.в.) ни мана шундай "Вама холақо", деб ўқишимни хоҳлашмоқда. Мен уларга эргашмайман", дедилар.
Изоҳ: "Бу айтилганлар бошқа қироатлардадир. Лекин бизнинг Ҳафс қироатимизда "Валлайли иза яғша ван наҳари иза тажалла ва ма холақоз закара вал унса", деб ўқилади.

(…) 283. Иброҳимдан (р.а.) ривоят қилинади. Алқама Шом шаҳрига келиб, масжидга кирдиларда, у ерда намоз ўқидилар. Кейин ҳалқага келиб, у ерга ўтирдилар. Кейин бир киши келди. Мен қавмдагилар ундан ҳайиқиб, ҳадиксирашганини кўрдим. У менинг ёнимга ўтирди. Сўнгра у: "Абдуллоҳнинг қироатлари каби ёд олганмисан?" деб…юқорида ҳадисдагидек давом этди.

(…) 284. Алқамадан (р.а.) ривоят қилинади. Абу Дардога йўлиққанимда: "Қаердансан? Дедилар. Мен: "Ироқликман", дедим. Ироқни қаеридансан? Дегандилар, мен: "Кўфа шаҳриданман", дедим. У зот: "Абдуллоҳ ибн Масъудни қироатида ўқийсанми?" дегандилар, мен: "Ҳа", дедим. У зот: "Валлайли иза яғша" ни ўқичи?" дегандилар, мен: "Валлайли иза яғша ваннаҳари иза тажаллаа, ваззакари вал унса", деб ўқидим. У зот: "Мен Расулуллоҳ (с.а.в.) ни мана шундай ўқиганларини эшитганман", дедилар.