(809) 257. Абу Дардодан (р.а.) ривоят қилинади. Набий (с.а.в.): "Ким Каҳф сурасининг аввалги ўн оятини ёд олса Дажжолдан ҳимоя қилинади", дедилар. Бу ерда юқоридаги ҳадис такрор келган. Фақат Шўъба ривоятларида Каҳф сурасини охирги ояти дейилган. Ҳаммом ривоятларида эса аввалги, дейилган.
(810) 258. Убай ибн Каъбдан (р.а.) ривоят қилинади. Расулуллоҳ (с.а.в.): "Эй Абу Мунзир! Сенинг наздингда Аллоҳнинг китобидаги қайси оят улканроқ эканини биласанми?" дегандилар, мен: "Аллоҳ ва Унинг расули билувчироқ", дедим. Яна у зот: "Эй Абу Мунзир! Аллоҳнинг китобидаги қайси оят улкан эканини биласанми?" дегандилар, мен: "Аллоҳулаа илаҳа илла ҳувал ҳаййул қаййум", деб айтдим. Шунда у зот кўксимга уриб: "Аллоҳ номига қасамки, эй Абу Мунзир, илм муборак бўлсин", дедилар.
|