(811) 259. Абу Дардодан (р.а.) ривоят қилинади. Набий (с.а.в.) "Сизлардан бирингиз тунда Қуръонни учдан бирини ўқишдан ожизми?" деганларида, саҳобалар: "Қандай қилиб учдан бирини ўқийди?" дейишди. Шунда Расулуллоҳ (с.а.в.): "Қул ҳуваллоҳу аҳад Қуръоннинг учдан бирига тенг келади", дедилар.

(…) 260. Қатодадан (р.а.) ривоят қилинади. Бу зот мана шу санад билан Набий алайҳиссаломдан ривоят қиладилар набий алайҳиссалом: "Албатта Аллоҳ Қуръонни уч бўлакка бўлиб, "Қул ҳуваллоҳу аҳад" ни ана шу бўлаклардан бири қилди", дедилар.

(812) 261. Абу Ҳурайрадан (р.а.) ривоят қилинади. Расулуллоҳ (с.а.в.): "Тўпланинглар, чунки мен сизларга Қуръоннинг учдан бирини ўқиб бераман", деганларида, кимлардир (айтганларидек) тупланди. Кейин Аллоҳнинг набийси чиқиб "Қул ҳуваллоҳу аҳад" ни ўқидилар. Сўнгра яна кириб кетдилар. Баъзиларимиз баъзиларига: "Менимча осмондан хабар келди. Ана ўша нарса у зотни кириб кетишларига сабаб бўлди", деди. Кейин Аллоҳнинг набийси чиқиб: "Мен сизларга Қуръонни учдан бирини ўқиб бераман, дедим. Огоҳ бўлинглар! Албатта бу сура Қуръонни учдан бирига тенгдир", дедилар.

(…) 262. Абу Ҳурайрадан (р.а.) ривоят қилинади. Расулуллоҳ (с.а.в.) бизнинг олдимизга чиқиб: "Сизларга Қуръоннинг учдан бирини ўқиб бераман", деб "Қул ҳуваллоҳу аҳад, Аллоҳус сомад" ни то охиригача ўқидилар.

(813) 263. Оишадан (р.а.) ривоят қилинади. Расулуллоҳ (с.а.в.) бир кишини отлиқларга (бошлиқ қилиб) юбордилар. У ҳамроҳларига намозларида "Қул ҳуваллоҳу аҳад" ўқиб тугатар эди. Қачонки улар қайтиб келгач уни қилган ишини Расулуллоҳ (с.а.в.) га зикр қилишди. Шунда Расулуллоҳ (с.а.в.): "Ундан сўрангларчи, нима учун бундай қилди экан", дейишди. Саҳобалар сўрашган эди, у киши: "Чунки унда Раҳмоннинг сифати бордир. Мен ўша нарса сабабди уни ўқишни яхши кўраман", деди. Шунда Расулуллоҳ (с.а.в.): "Унга хабар беринглар, Аллоҳ ҳам уни яхши кўради", дедилар.