(804) 252. Абу Усома ал-Боҳилийдан (р.а.) ривоят қилинади. Расулуллоҳ (с.а.в.): "Қуръонни тиловат қилинглар. Чунки Қиёмат куни ўқиган эгасига шафоатчи бўлиб келади. Нур таратувчи икки сура яъни, Бақара ва Оли Имрон сураларини ўқинглар. Чунки бу иккиси Қиёмат куни гўёки булут бўлиб соябон ёки қушлар жамоаси қанотларини жипс қилган ҳолда устига ўқиган кишига соя қилиб олади. Бақара сурасини ўқинглар, чунки уни қироат қилиш барака, қироатни тарк қилиш эса хасрат надоматдир.
У бақара сураси сеҳр билан машғулланувчилар ўқий олмайди", дедилар.
Бу ерда юқоридаги ҳадис такрор келган.

(805) 253. Наввос ибн Самъон ал-Килабийдан (р.а.) ривоят қилинади. Набий (с.а.в.): "Қиёмат куни Қуръон ва унинг аҳли бўлмиш амал қилган кишиларни олиб келинганида Бақара ва Оли Имрон суралари олдинга чиқади. Расулуллоҳ (с.а.в.) у икки сурага учта зарбул масал келтирдилар. Мен уларни ҳанузгача унутганим йўқ. Улар:
1. Гўёки икки булут.
2. Гўёки орасида нури бор қора соя.
3. Гўёки қанотларини жипслаштириб келган қушлар жамоаси.
Бу икки сура эгаси ҳаққига ҳужжатлашади", дедилар.