(728) 101. Амр ибн Авсдан (р.а.) ривоят қилинади. Анбаса ибн Абу Суфён ўлимлари олдидан йўлиққан касалликларида менга бир ҳадисни гапириб бердилар. Ўша ҳадис сабабли Анбаса хурсанд бўлардилар. Мен Умму Ҳабибадан эшитдим, у эса Расулуллоҳдан (с.а.в.) эшитганлар. Расулуллоҳ (с.а.в.): "Ким бир кеча кундузда (фарздан олдинги ва кейинги адо этиладиган) ўн икки ракат намоз ўқиса униннг учун жаннатда бир уй қурилади", дедилар. Умму Ҳабиба: "Расулуллоҳ (с.а.в.) дан эшитганимдан бери уни тарк қилмадим", дедилар. Анбаса: "Умму Ҳабибадан эшитганимдан бери уни тарк қилмадим", дедилар. Амр ибн Авс: "Анбасадан эшитганимдан бери уни тарк қилмадим", дедилар. Нўъмон ибн Солим: "Амр ибн Авсдан эшитганимдан бери уни тарк қилмадим", дедилар.
(…) 102. Нўъмон ибн Солимдан ушбу санадда ривоят қилиниб, давомида, "Ким бир кунда ўн икки саждалик ихтиёрий намоз ўқиса унинг учун жаннатда уй қурилади", дейилган.
(…) 103. Набий (с.а.в.) завжалари Умму Ҳабибадан (р.а.) ривоят қилинади. Расулуллоҳ (с.а.в.): "Бирор мусулмон банда ҳар куни фарз бўлмаган ихтиёрий ўн икки ракат намоз ўқиса Аллоҳ таоло унинг учун жаннатда бир уй қуради. Ёки унинг учун жаннатда бир уй қурилади", дедилар Умму Ҳабиба: "Ҳалигача ўша намозларни ўқиб келмоқдаман", дедилар. Амр эса: "Ҳанузгача ўша намозларни ўқиб келмоқдаман", дедилар. Нўъмон ҳам шундай сўз айтдилар. Бу ерда юқоридаги ҳадис такрор келган. Фақат ҳадисни бошида Расулуллоҳ (с.а.в.): "Бирор мусулмон банда таҳорат олиб, таҳоратини мукаммал қилиб, сўнгра ҳар куни Аллоҳ учун намоз ўқиса… деб юқоридагидек зикр қилинган.
(729) 104. Ибн Умардан (р.а.) ривоят қилинади. Расулуллоҳ (с.а.в.) бирга пешиндан олдин икки ракат, пешин кейин икки ракат, шомдан кейин икки ракат, хуфтондан кейин икки ракат, хуфтондан кейин икки ракат, жумадан кейин икки ракат ўқидилар. Аммо шом, хуфтон ва жуманинг суннатларини Набий (с.а.в.) билан бирга уйларида ўқидим.
|