(703) 42. Ибн Умардан (р.а.) ривоят қилинади. Расулуллоҳ (с.а.в.) агар (сафарда) юришни тезлатмоқчи бўлсалар шом билан хуфтонни жам қилиб ўқирдилар.

(…) 43. Нофеъдан (р.а.) ривоят қилинади. Ибн Умар (р.а.) агар юришда ҳаракатни кучайтирмоқчи бўлсалар шом билан хуфтонни орасини жамлардилар.

(…) 44. Солим оталаридан (р.а.) ривоят қилинади. Мен Расулуллоҳ (с.а.в.) ни агар юришда ҳаракатни кучайтирмоқчи бўлсалар шом билан хуфтон орасини жамлаганларини кўрдим.

(…) 45. Солим ибн Абдуллоҳдан (р.а.) ривоят қилинади. Отаалари: "Расулуллоҳ (с.а.в.) агар сафарда юришни тезлатсалар шом намозини кечиктириб, хуфтон билан уни орасини жамлардилар.

(704) 46. Анас ибн Моликдан (р.а.) ривоят қилинади. Расулуллоҳ (с.а.в.) агар Қуёш (заволга) мойил бўлишидан олдин юришни бошласалар пешин намозини аср вақтигача кечиктирардилар. Кейин тушиб, иккови орасини жамлардилар. Бордию йўлга юришларидан олдин Қуёш заволга мойил бўлса пешинни ўқиб, кейин уловларига минар эдилар.

(…) 47. Анасдан (р.а.) ривоят қилинади. Набий (с.а.в.) агар сафарда бўлиб, икки намоз орасини жамлашни хоҳласалар пешинни то аср вақтини аввали киргунча кечиктирардилар. Кейин иккови орасини жамлардилар.

(…) 48. Анасдан (р.а.) ривоят қилинади. Набий (с.а.в.) агар сафарда шошишни хоҳласалар пешинни то асрни аввалги вақтигача кечиктириб, иккови орасини жамлардилар. Шомни эса хуфтон билан орасини жамлаш учун шафақ (қизиллик) йўқ бўлгунча кечиктирардилар.