(694) 16. Солим ибн Абдуллоҳ оталаридан (р.а.) ривоят қиладилар. Расулуллоҳ (с.а.в.) Мино ва бошқа жойларда мусофир намози ҳолатида икки ракат қилиб ўқидилар. Абу Бакр ва Умар (р.а.) лар халифалик даврларида икки ракат ўқишди. Усмон (р.а.) ҳам халифаликларини аввалги даврида икки ракат ўқиб, кейин тўрт ракат қилиб мукаммал қилдилар. Бу ерда юқоридаги ҳадис такрор келган. Фақат Минодан кейинги "ва бошқа жойларда", сўзлари йўқ.
(…) 17. Ибн Умардан (р.а.) ривоят қилинади. Расулуллоҳ (с.а.в.) Минода икки ракат ўқидилар. У зотдан кейин Абу Бакр (р.а.) ҳам икки ракат ўқидилар. Абу Бакрдан кейин Умар (р.а.) ҳам икки ракат ўқидилар. Усмон (р.а.) халифаликларини аввалги даврида икки ракат ўқиб, ундан кейин тўрт ракат ўқидилар. Ибн Умар (р.а.) агар имом билан ўқисалар тўрт ракат ўқирдилар. Агар ўзлари ўқисалар икки ракат ўқирдилар. Бу ерда юқоридаги ҳадис такрор келган.
(…) 18. Ибн Умардан (р.а.) ривоят қилинади. Набий (с.а.в.) Минода мусофир намози қилиб икки ракат ўқирдилар. Абу Бакр, Умар ва Усмон (р.а.) саккиз (ёки олти) йил ана шундай икки ракат ўқишди.ҳафс айтадилар. Ибн Умар (р.а.) Минода икки ракат ўқиб кейин тўшакларига келдилар. Мен: "Эй амаки! Бу икки ракатдан кейин яна икки ракат ўқисангиз", десам, у зот: "Агар ана шундай қилсам (намозни муқимлардек) мукаммал ўқиб қўйгандек бўламанку", дедилар. Бу ерда юқоридаги ҳадис такрор келган. Фақат "Мино" сўзи ўрнига, "Сафарда ўқидилар", бўлиб келган.
(695) 19. Абдураҳмон ибн Язиддан (р.а.) ривоят қилинади. Усмон (р.а.) бизга Минода тўрт ракат намоз ўқиб бердилар. Бу ҳақда Абдуллоҳ ибн Масъудга айтилганида, у зот: "Инна лиллаҳи ва инна илайҳи рожиъувн", деб сўнгра яна: "Расулуллоҳ (с.а.в.) билан бирга минода икки ракат ўқидим. Абу Бакр Сиддиқ билан ҳам Минода икки ракат ўқидим. Умар ибн Хаттоб билан ҳам Минода икки ракат ўқидим. Қани эди тўрт ракатлидан кўра икки ракатли қабул бўлувчи намоз менинг насибам бўлса", дедилар. Бу ерда юқоридаги ҳадис такрор келган.
(696) 20. Ҳориса ибн Ваҳб ал-Хузоъийдан (р.а.) ривоят қилинади. Мен Минода Расулуллоҳ (с.а.в.) ортларида намоз ўқидим. Одамлар олдингидан кўпроқ (омонликда) эдилар. Уз зот видолашув ҳажи куни икки ракат ўқидилар. Муслим айтадилар. Ҳориса ибн Ваҳб ал-Хузоъий Убайдуллоҳ ибн Умар ибн Хаттобнинг она бир инилари эди.
|