(626) 200. Ибн Умардан (р.а.) ривоят қилинади. Расулуллоҳ (с.а.в.) "Аср намозини (ўқимасдан) ўтказиб юборган киши гўёки аҳли ва молини йўқотгандекдир", дедилар.
Бу ерда юқоридаги ҳадис такрор келган.

(…) 201. Солим ибн Абдуллоҳ оталаридан ривоят қилинади. Расулуллоҳ (с.а.в.): "Ким асрни ўтказиб юборса гўёки аҳли ва молини ўтказиб юборибди", дедилар.

(627) 202. Алидан (р.а.) ривоят қилинади. Аҳзоб номли ғазот куни Расулуллоҳ (с.а.в.): "Аллоҳ (мушрикларни) қабрларию, уйларини оловга тўлдирсин, чунки улар бизни намоздан (тўсиб) машғул қилишди. Ҳатто қуёш ботиб (аср қазо бўлди)", дедилар.
Бу ерда юқоридаги ҳадис такрор келган.