(602) 151. Абу Ҳурайрадан (р.а.) ривоят қилинади. Расулуллоҳ (с.а.в.): "Агар намозга иқомат айтилса югурган ҳолда келманглар балки хотиржамлик билан юрган ҳолда келинглар. Топган ракатни ўқиб, ўтказиб юборганингизни (имом салом бергандан кейин сиз туриб) охирига етказинг", дедилар.
(…) 152. Абу Ҳурайрадан (р.а.) ривоят қилинади. Расулуллоҳ (с.а.в.): "Агар намозга такбир айтилса югурган ҳолда келманглар балки хотиржамликни лозим топган ҳолда хотиржам келинглар. Топган ракатингизни (имом билан) ўқинг. Ўтиб кетганини (имом салом берганидан кейин) охирига етказинг. Чунки сизлардан бирингиз намоз ўқишга қасд қилдими демак у намоз ичидадир", дедилар.
(…) 153. Абу Ҳурайрадан (р.а.) ривоят қилинади. Расулуллоҳ (с.а.в.): "Агар намозга азон айтилса сизлар ўзингизни хотиржам тутган ҳолда бриб келинглар. Топган ракатингизни ўқинглар ўтиб кетганини эса охирига етказинглар". Дедилар.
(…) 154. Абу Ҳурайрадан (р.а.) ривоят қилинади. Расулуллоҳ (с.а.в.): "Агар намозга такбир айтилса сизлардан бирортангиз югуриб келмасин лекин хотиржамлик ва виқор билан юриб келиб, топган ракатини ўқиб, ўтиб кетганини кейин ўқиб олсин", дедилар.
(603) 155. Абдуллоҳ ибн Абу Қатода оталаридан ривоят қиладилар. Бир пайт бизлар Расулуллоҳ (с.а.в.) билан бирга намоз ўқиётган эдик шовқин – сурон эшитилиб қолди. (Намоздан кейин у зот) Сизларга нима бўлди? Дегандилар, саҳобалар: "Намозга шошдик", дейишди. Шунда Расулуллоҳ (с.а.в.): "Бундай қилманглар, агар намозга келсанглар ўзингизга хотиржамликни лозим топинг. Топган ракатингизни ўқинглар. Ўтиб кетганини (саломдан кейин) охирига етказинглар", дедилар. Бу ерда юқоридаги ҳадис такрор келган.
|