(587) 127. Оишадан (р.а.) ривоят қилинади. Расулуллоҳ (с.а.в.) намозларида дажжол фитнасидан паноҳ сўраганларини эшитдим.

(588) 128. Абу Ҳурайрадан (р.а.) ривоят қилинади. Расулуллоҳ (с.а.в.): "Агар сизлардан бирингиз ташаҳҳуд ўқиса Аллоҳ номи билан қўйидаги тўрт нарсадан паноҳ тиласин. Аллоҳим сени номинг билан жаҳаннам азобидан, қабр азобидан, тириклару – ўликлар фитнасидан ва мисиҳ дажжол фитнасидан паноҳ тилайман, деб Расулуллоҳ (с.а.в.) айтардилар.

(589) 129. Оишадан (р.а.) ривоят қилинади. Набий (с.а.в.) намозларидаги дуода: "Аллоҳумма инний аъузу бика мин ъазабил қобри ва аъузу бика мин фитнатил масийҳиддажжали ва аъузу бика мин фитнатил маҳявал мамати, Аллоҳумма инний аъузу бика минал маъсами вал мағроми", деб айтардилар.
(Маъноси: Аллоҳим Сени номинг қақабр азобидан, масиҳ ад-Дажжол фитнасидан, тириклар-у – ўликлар фитнасидан ҳамда гуноҳ ва қарзга (ботиб қолишдан) паноҳ тилайман).
Шунда бир киши: "Ҳй Аллоҳнинг расули! Қарздор бўлиб қолишдан жуда кўп паноҳ тилаганингизни кўрмоқдаман-а?" деганида, Расулуллоҳ (с.а.в.) агар киши қарздор бўлиб қолса гапирса ёлғон сўзлайди, ваъда берса хилоф қилади. (Шунинг учун қарздор бўлиб қолишдан кўп паноҳ тиладим", дедилар.

(588) 130. Абу Ҳурайрадан (р.а.) ривоят қилинади. Расулуллоҳ (с.а.в.): "Агар сизлардан бирингиз охирги ташаҳҳуддан фориғ бўлса тўрт нарсадан яъни жаҳаннам азобидан, қабр азобидан, тириклар ва ўликлар фитнасидан ҳамда масиҳ дажжол ёмонлигидан паноҳ сўрасин", деб айтдилар.

(…) 131. Абу Ҳурайрадан (р.а.) ривоят қилинади. Набий (с.а.в.): "Аллоҳим, қабр азобидан, дўзах азобидан, тирик ва ўликлар фитнасидан ҳамда масиҳ дажжол ёмонлигидан паноҳ тилайман", дедилар.

(…) 132. Абу Ҳурайрадан (р.а.) ривоят қилинади. Расулуллоҳ (с.а.в.): "Аллоҳ номи билан Унинг азобидан, қабр азобидан, масиҳуд дажжол фитнасидан, тирик ва ўликларнинг фитнасидан паноҳ тиланглар", дедилар.
Бу ерда юқоридаги ҳадис такрор келган.

(…) 133. Абу Ҳурайрадан (р.а.) ривоят қилинади. Набий (с.а.в.) қабр азобидан, жаҳаннам азобидан ва дажжол фитнасидан паноҳ тилардилар.

(590) 134. Ибн Аббосдан (р.а.) ривоят қилинади. Расулуллоҳ (с.а.в.) худди Қуръондан сура ўргатганларидек мана бу дуони ўргатиб, уни айтинглар, дедилар.
Аллоҳим сени номинг билан жаҳаннам азобидан, қабр азобидан, масиҳуд дажжол фитнасидан, тириклар, ўликлар фитнасидан паноҳ тилайман.
Муслим ибн Ҳажжож айтадилар. Менга етиб келдики, Товус (р.а.) ўғилларига: "Намозингда ушбу дуоларни ўқийсанми?" десалар, ўғиллари: "Йўқ", деди. Шунда у зот: "Намозингни қайтадан ўқигин", дедилар. Чунки бу зот ушбу ҳадисни уч ёки тўрт кишидан ривоят қилдилар.