(584) 123. Оишадан (р.а.) ривоят қилинади. Ҳузуримга Расулуллоҳ (с.а.в.) кирганларида ёнимда бир яҳудий аёл бор эди. У: "Сизлар қабрларда фитналанишни биласизларми?" деган эди, Расулуллоҳ (с.а.в.) ваҳимага тушдиларда: "Яҳудийлар фитнага тушади", дедилар. Бир кеча турганимиздан кейин Расулуллоҳ (с.а.в.): "Менга ваҳий қилинганини билдингми? Сизлар ҳам қабрларда фитналанар экансизлар", дедилар.
Ана шундан кейин Расулуллоҳ (с.а.в.) ни қабр азобидан паноҳ тилаб юрганларини кўрдим.

(585) 124. Абу Ҳурайрадан (р.а.) ривоят қилинади. Расулуллоҳ (с.а.в.) ана шундан кейин қабр азобидан паноҳ тилаганларини эшитдим.

(586) 125. Оишадан (р.а.) ривоят қилинади. Ҳузуримга Мадина яҳудийларидан бўлган икки кампир кириб: "Албатта қабр аҳли қабрларида азобланишади", деди. Оиша (р.а.): "Мен уларни ёлғонга тутдимда ва тасдиқлашдан хурсанд бўлмадим. Улар чиқиб кетишган эди, ҳузуримга Расулуллоҳ (с.а.в.) кирдилар. Мен: "Эй Аллоҳнинг расули! Мадина яҳудийларидан икки кампир кириб, қабр аҳли қабрларида азобланишларини айтишди", десам, у зот: "Кампирлар тўғри айтишибди. Албатта улар азобланишади. Ўша азобланишганини хатто ҳайвонлар ҳам эшитади", дедилар. Мен Расулуллоҳ (с.а.в.) ни барча намозда қабр азобидан паноҳ тилаётганларини эшитдим.