(524) 9. Анас ибн Моликдан (р.а.) ривоят қилинади. Расулуллоҳ (с.а.в.) Мадинага келиб, Бани Амр ибн Авф деб аталган Мадинанинг юқори қисмига тушдилар. Ўша ерда ўн тўрт кеча турдилар. Сўнгра Бани нажжор қабиласига одам жўнатдилар. Улар ёнларига қилич осган ҳолда келишди. Гўёки мен Расулуллоҳ (с.а.в.) ни уловлари устида турганларини кўргандекман. Абу Бакр (р.а.) эса орқага мингашиб олгандилар. Бани Нажжорлик кишилар у зотни атрофларида эди. Ҳаттоки у зот Абу Аюбни уйи саҳнасига тушдилар. Расулуллоҳ (с.а.в.) ўша пайтда етишган намозни ўқидилар. У зот намозларини қўйхонада ўқирдилар. Кейин масжид қуришга амр – фармон бердилар. Сўнгра Баний нажжор қабиласига одам юборгандилар улар етиб келишди. У зот: "Эй Баний нажжор! Мана бу тўсиқ деворингизни мен билан баҳолашинглар", дегандилар, улар: "Йўқ Аллоҳ номига қасам, биз уни пулини талаб қилмаймиз. Аллоҳ йўлида тортиқ этамиз", дейишди.
Анас (р.а.) айтадилар. Айтадиган бўлсам у ерда хурмо, мушриклар қабри ва хароба макон бор эди. Расулуллоҳ (с.а.в.) буюргандилар хурмо кесилди. Мушрикларнинг қабри қазиб, олиб ташланди. Харобалик ер эса теккисланди. Хурмо дарахтини қиблага териб чиқинглар. Тошдан эса тиргагич қилинглар, дедилар. Улар қуйидаги шеърни хиргойи қилиб айтишар эди. Расулуллоҳ (с.а.в.) эса улар билан бирга эдилар.

Аллоҳим, фақат охират яхшилиги бордир.
Аллоҳим, муҳожир ва ансорларга ғалаба ато этгин.

(…) 10. Анасдан (р.а.) ривоят қилинади. Расулуллоҳ (с.а.в.) масжид бино қилинишидан олдин қўйхонада намоз ўқирдилар.
Бу ерда юқоридаги ҳадис такрор келган.