415/87. Абу Ҳурайрадан ривоят қилинади. Расулуллоҳ соллаллоҳу алайҳи васаллам бизга қўйидаги нарсаларни ўргатардилар. Имомдан илгарилаб кетманглар. Агар такбир айтса такбир айтинглар. Агар "Валаззоллийн", деса омийн, деб айтинглар. Рукуъ қилса рукуъ қилинглар. "Самиъаллоҳу лиман ҳамидаҳ", деса "Аллоҳумма роббана лакал ҳамд", деб айтинглар.

(…) Бу ерда юқоридаги ҳадис такрор келган.

(416). 88. Абу Ҳурайрадан ривоят қилинади. Расулуллоҳ соллаллоҳу алайҳи васаллам: "Албатта имом (орқадаги эргашувчиларга) тўсиқ пардадир. Агар ўтириб ўқиса ўтириб ўқинглар. "самиъаллоҳу лиман ҳамидаҳ", деса "Аллоҳумма роббана лакал ҳамд", деб айтинглар. Агар ер аҳлининг сўзи осмон аҳлининг сўзига мувофиқ келса аввалги гуноҳлари кечирилади", дедилар.

(417) 89. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: "Имом эргашилиши учун йўналтирилган. У такбир айтса такбир айтинглар. Рукуъ қилса рукуъ қилинглар. "Самиъаллоҳу лиман ҳамидаҳ", деса, "Аллоҳумма роббана лакал ҳамд", деб айтинглар. Агар тик туриб ўқиса тик туриб ўқинглар. Бордию ўтириб ўқиса барчаларингиз ўтириб ўқинглар", деб айтдилар.