(409) 71. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: "Агар имом "Самиъаллоҳу лиман ҳамидаҳ" деса "Аллоҳумма роббана лакал ҳамд", деб айтсин, чунки кимни сўзи фаришталарнинг сўзига мувофиқ келса уни олдинги гуноҳлари кечирилади", дедилар. Бу ерда юқоридаги ҳадис такрор келган
(410) 72. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: "Агар имом омийн деса сизлар ҳам омийн, деб айтинглар. Чунки кимнинг омийни фаришталар омийнига тўғри келиб қолса олдинги гуноҳлари мағфират қилинади", дедилар. Ибн Шиҳоб: "Расулуллоҳ соллаллоҳу алайҳи васаллам омийн, деб айтардилар", дедилар.
(…) 73. Бу ерда юқоридаги ҳадис такрор келган.
(…) 74. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: "Агар сизлардан бирингиз намозда омийн, деса осмонда фаришталар ҳам омийн, дейишади. Ўша омийнни бири иккинчисига мувофиқ келиб қолса аввалги гуноҳлари кечирилади", дедилар.
(…) 75. Абу Ҳурайрадан (р.а.) ривоят қилинади. Расулуллоҳ соллаллоҳу алайҳи васаллам: "Агар сизлардан бирингиз омийн деса, фаришталар ҳам осмонда омийн, дейишади. Ўша омийнни бири иккинчисига мувофиқ келиб қолса аввалги гуноҳлари кечирилади", дедилар. Бу ерда юқоридаги ҳадис такрор келган.
(…) 76. Абу Ҳурайрадан ривоят қилинади. Расулуллоҳ соллаллоҳу алайҳи васаллам: "Агар ўқувчи "Ғойрил мағзуби ъалайҳим ва лаззоллийн", деганида орқадагилар ҳам омийн, деса ва ўша сўзи осмон аҳли сўзига мувофиқ келиб қолса олдинги гуноҳлари кечирилади", дедилар.
|