(390) 21. Солим оталаридан қилган ривоятда келтиришларича, оталари: "Мен Расулуллоҳ соллаллоҳу алайҳи васаллам нинг намозни бошлаётганларида рукуъдан олдин ва рукуъдан кўтарилаётганларида елка баробарида қўлларини кўтаришларини кўрдим. Аммо икки сажда орасида кўтармасдилар. Фойда: Бу нарса имом Шофеъий ва имом Аҳмад мазҳабларидадир. Бизнинг ҳанафия мазҳабимизда икки қўлни кўтариш яъни, "рафъул ядайн" фақат намоз бошлаш олдидан бажарилади холос.
(…) 22. Солим ибн Абдуллоҳдан (р.а.) ривоят қилинади. Ибн Умар (р.а.) айтдилар. Агар Расулуллоҳ соллаллоҳу алайҳи васаллам намозга турсалар қўлларини икки елка баробарида кўтарардиларда кейин такбир айтардилар. Рукуъдан кўтарилсалар ҳам шундай қилардилар. Аммо саждадан бошларини кўтарганда ундай қилмасдилар. Фойда: Юқорида айтганимиздек бизнинг ҳанафия мазҳабида бу ҳадис муқобилида бошқа ҳадисга амал қилинади.
(…) 23. Ибн Журайж (р.а.) айтдилар. Агар Расулуллоҳ (с,а.в.) намозга турсалар то елкаларигача қилиб қўлларини кўтарардилар. Сўнгра такбир айтардилар.
(391) 24. Абу Қилобадан (р.а.) ривоят қилинади. Бу зот Молик ибн Ҳувайрисни кўрдилар. Молик ибн Ҳувайрис агар намоз ўқисалар такбир айтиб сўнгра қўлларини кўтарардилар. Агар рукуъ қилишни хоҳласалар ҳам қўлларини кўтарардилар. Агар бошларини рукуъдан кўтарсалар ҳам қўлларини кўтарардилар. Ва яна Расулуллоҳ соллаллоҳу алайҳи васаллам ҳам шундай қилардилар, деб айтардилар.
(…) 25. Молик ибн Ҳувайрисдан (р.а.) ривоят қилинади. Расулуллоҳ соллаллоҳу алайҳи васаллам агар (намозни бошлаш учун) такбир айтсалар то икки қулоқларига баробар бўлгунича такбир айтардилар. Агар бошларини рукуъдан кўтарсалар "Самиъаллоҳу лиман ҳамидаҳ", деб ана шундай қилардилар.
(…) 26. Қатодадан (р.а.) мана шу санад билан ривоят қилинади. Бу зот Аллоҳнинг набийсини (намоз ўқиётганларини) кўрдилар. Расулуллоҳ соллаллоҳу алайҳи васаллам қулоқларини юқори қисмигача икки қўлларини кўтардилар.
|