Ибн Аббос розияллоҳу анҳудан ривоят қилинади: «Набий соллаллоҳу алайҳи васаллам: «Ҳибасини қайтариб олувчи одам қайтини қайтариб олувчи одам кабидир», дедилар». Бухорий, Муслим, Абу Довуд, Термизий, Насаий. Бошқа бир ривоятда: «Бизда ўз қусқисига қайтган ит каби ҳибасига қайтиш мисоли бўлмаслиги керак», дейилган.
Яна ўша кишидан ривоят қилинади: «Набий соллаллоҳу алайҳи васаллам: «Бир кишига берги бериб туриб ёки ҳиба қилиб туриб кейин унга қайтиши дуруст бўлмайди. Фақат ота ўз боласига берган нарсасида бундан мустасно. Берги бериб туриб уни қайтариб олган кимсанинг мисоли, еб қорни тўйганда қусиб, кейин қусқусига қайтган итга ўхшайди», дедилар». Сунан эгалари ривоят қилишган.
|