Оиша розияллоҳу анҳодан ривоят қилинади:
«Набий соллаллоҳу алайҳи васаллам:
«Қачон бирингиз Ақоба тошини отса, батаҳқиқ, унга аёллардан бошқа барча нарса ҳалол бўлади», дедилар».
Абу Довуд ва Насаий ривоят қилишган.

Анас розияллоҳу анҳудан ривоят қилинади:
«Набий соллаллоҳу алайҳи васаллам Минога келдилар. Тош отадиган жойга бориб уни отдилар. Сўнгра Минодаги манзилларига келиб, қурбонлик сўйдилар. Кейин сартарошга «Ол!» деб, ўнг томонларига ишора қилдилар. Кейин чап томонларига. Сўнг уни одамларга бера бошладилар».
Бухорий, Муслим, Абу Довуд, Термизий, Насаий.

Оиша розияллоҳу анҳодан ривоят қилинади:
«Расулуллоҳ соллаллоҳу алайҳи васалламга эҳромга киришларидан олдин ва ҳайит куни Байт­ни тавоф қилишларидан олдин ичида миск бор хушбўйни суртдим».
Бухорий, Муслим, Термизий.