Оиша розияллоҳу анҳодан ривоят қилинади:
«Савда катта жуссали, секин қимирлайдиган аёл эди. У Расулуллоҳ соллаллоҳу алайҳи васалламдан Жамъдан кечаси тушиб кетишга изн сўради. У зот унга изн бердилар. Кошки, мен ҳам Расулуллоҳ соллаллоҳу алайҳи васалламдан Савда изн сўрагандек, изн сўраган бўлсам экан».
Бухорий, Муслим.

Ибн Аббос розияллоҳу анҳудан ривоят қилинади:
«Набий соллаллоҳу алайҳи васаллам Муздалифа кечасида олдин тушириб юборган заифҳол аҳллари ичида мен ҳам бор эдим».

Бухорий, Муслим, Абу Довуд, Термизий, Насаий.
Термизий ва Абу Довуд:
«Қуёш чиққунча тошни отманглар» жумласини зиёда қилган.