Оиша розияллоҳу анҳодан ривоят қилинади:
«Расулуллоҳ соллаллоҳу алайҳи васаллам муфрад ҳаж қилдилар».
Муслим, Абу Довуд, Термизий, Насаий.
Имом Муслимнинг лафзида:
«У зот муфрад ҳажга талбия айтдилар», дейилган.
 
 Яна ўша кишидан ривоят қилинади:
«Видолашув ҳажи йили Набий соллаллоҳу алайҳи васаллам билан бирга чиқдик. Биздан кимдир умрани, кимдир ҳаж ва умрани, кимдир ҳажни ният қилган эди. Расулуллоҳ соллаллоҳу алайҳи васаллам ҳажни ният қилган эдилар. Аммо ким ҳажни ният қилган бўлса ёки ҳаж билан умрани жамлаган бўлса, то қурбонлик куни бўлмагунча эҳромдан чиқмади».
Бухорий, Муслим, Абу Довуд, Насаий.

Жобирнинг ривоятида:
«Расулуллоҳ соллаллоҳу алайҳи васаллам ва у зотнинг саҳобалари муфрад ҳажни ният қилдилар», дейилган.