Абу Айюб розияллоҳу анҳудан ривоят қилинади:
«Набий соллаллоҳу алайҳи васалламнинг эҳромдалик ҳолларида ғусл қилаётганларини кўрдим. У зот бошларини икки қўллари билан ишқадилар», деди ва икки қўлини олдинга олиб бориб орқага қайтарди-да: «У зот шундоқ қилдилар», деди».
Бухорий, Муслим, Абу Довуд.

Ибн Аббос розияллоҳу анҳудан ривоят қилинади:
«Набий соллаллоҳу алайҳи васаллам эҳромдалик ҳолларида Лаҳйи Жамалда бошларининг ўртасидан қон олдирдилар».
Бухорий, Муслим, Абу Довуд, Термизий, Насаий.
Абу Довуд:
«Ўзларидаги дард сабабли» жумласини зиёда қилган.

Усмон розияллоҳу анҳудан ривоят қилинади:
«Набий соллаллоҳу алайҳи васаллам:
«Икки кўзида оғриқ бор эҳромдаги киши уларни алоэ билан артади», дедилар».
Муслим, Абу Довуд, Термизий, Насаий.