Оиша розияллоҳу анҳодан ривоят қилинади:
«Набий соллаллоҳу алайҳи васаллам қачон эътикоф ўтирсалар, бошларини менга тутар эдилар, мен уни тараб қўяр эдим. Уйга инсон ҳожатидан бошқа нарса учун кирмас эдилар».
Бухорий, Муслим, Абу Довуд, Термизий, Насаий

София розияллоҳу анҳо айтдилар:
«Набий соллаллоҳу алайҳи васаллам масжидда эътикоф ўтирган эдилар. Мен кечаси у кишининг зиёратларига келдим, бироз гаплашдим, сўнг уйим томон турдим. У киши мени кузатгани мен билан турдилар. (У кишининг уйи Усома ибн Зайднинг масканида эди). Бас, ансорийлардан икки киши ўтиб қолди. Улар Пайғамбар соллаллоҳу алайҳи васалламни кўришлари билан тезлаб қолдилар. Шунда У зот соллаллоҳу алайҳи васаллам:
«Икковингиз шошилманг, бу (аёл) София бинти ҳуяйдир», дедилар.
«Субҳоналлоҳ! Эй Аллоҳнинг Расули!» де­йишди.
«Албатта, шайтон инсоннинг қон юрар жо-йида юради. Мен у сизнинг қалбингизга бирор нарсани ёки ёмонликни отишидан қўрқдим», дедилар».
Бухорий, Муслим, Абу Довуд, Насаий.