Муоз розияллоҳу анҳудан ривоят қилинади: «Набий соллаллоҳу алайҳи васаллам мени Яманга юбордилар ва ҳар бир ўттиз сигирдан битта эркак ёки урғочи бир ёшли бузоқ олишимни ва ҳар бир қирқтадан бир дона икки ёшли урғочи бузоқ олишимни амр қилдилар». «Сунан» эгалари ривоят қилишган, Ҳоким «саҳиҳ» деган.
Яна ўша кишидан ривоят қилинади: «Набий соллаллоҳу алайҳи васаллам менга қорамол ўттизтага етмагунча ҳеч нарса олмаслигимни амр қилдилар. Қачон ўттизтага етса, ундан бир дона онасига эргашиб юрган бир ёшли эркак ёки урғочи бузоқ. Бу то қирқтага етгунча. Агар унга етса, икки ёшли ғунажин». Насаий ривоят қилган.
Анас розияллоҳу анҳудан ривоят қилинади: «Абу Бакр розияллоҳу анҳу у кишига Расулуллоҳ соллаллоҳу алайҳи васаллам фарз қилган (закот) нарса ҳақида ёзган мактубида: «Садақадан қўрқиб, айри-айрини жам қилинмайди ва жам бўлиб турганни айириб ташланмайди. Икки аралаштирган киши ўзаро ҳисоб қилиб олишади», дейилган эди». Бухорий, Термизий, Абу Довуд, Насаий ривоят қилган
|