Муғийра розияллоҳу анҳудан ривоят қилинади:
«Пайғамбар соллаллоҳу алайҳи васаллам:
«Улов минган жаноза орқасидан (юради). Пиёда хоҳлаган жойидан. Гўдакка намоз ўқилади», дедилар».
Абу Довуд, Термизий, Насаий ривоят қилганлар.
Абу Довуд:
«Муддатидан олдин тушиб кетган болага намоз ўқилади ва ота-онасига мағфират ҳамда раҳмат сўраб дуо қилинади»ни зиёда қилган.
Термизийнинг ривоятида эса:
«Токи овоз чиқармагунча гўдакка намоз ўқилмайди, мерос ҳам олмайди, мерос олинмайди ҳам», дейилган.

Ҳасан: «Ёш болага «Фотиҳа» сураси ўқилади ва: «Эй, бор Худоё! Уни бизга фарат қилгин, ўтгин ва ажр қилгин», дейилади», деган.
Бухорий ривоят қилган.