Умму Атияя розияллоҳу анҳодан ривоят қилинади:
«Расулуллоҳ соллаллоҳу алайҳи васаллам қизларини ювишда (ювуючи аёлларга) ўнг тарафларидан бошланглар, унинг таҳорат жойларидан бошланглар», дедилар».
Бухорий, Муслим, Абу Довуд, Термизий, Насаий ривоят қилган.

Яна ўша кишидан ривоят қилинади:
«Расулуллоҳ соллаллоҳу алайҳи васаллам биз У зотнинг қизлари ювмоқчи бўлиб турганимизда олдимизга кирдилар ва уни сув ва сидр билан уч марта ёки беш марта ёки унда кўпроқ ювинглар. Охиргисида кофур ҳам қўшинглар. Қачон фориғ бўлсангиз мени чақиринглар», дедилар. Бас, фориғ бўлганимизда У зотни чақирдик. У зот бизга «ҳиқв»ларини бериб, унга буни кийгизинглар», дедилар».
Бошқа бир ривоятда:
«Унинг сочини учта қилиб ўрдик ва орқасига ташлаб қўйдик»ни зиёда қилган.
Яна бир ривоятда:
«Уни тоқ, уч, беш ёки лозим топсангиз кўпроқ ювинглар», дейилган.
Бухорий, Муслим, Абу Довуд, Термизий, Насаий ривоят қилган.