Абу Қатода розияллоҳу анҳудан ривоят қилинади: «Расулуллоҳ соллаллоҳу алайҳи васалламнинг олдиларидан бир жаноза олиб ўтилди, шунда У зот: «Истироҳат олувчи ва ундан истироҳат олинган», дедилар». «Эй, Аллоҳнинг Расули, истироҳат олувчи ва ундан истироҳат олинган нима?» дейишди. У зот: «Мўмин банда (ўлса) дунёниг қийинчиликларидан истироҳат олади. Фожир банда (ўлса) ундан бандалар, элу-юртлар, дову-дарахтлар ва жонзотлар қутиладилар», дедилар». Бухорий, Муслим ва Насаий ривоят қилган.
|