Ибн Аббос розияллоҳу анҳудан ривоят қилинади:
«Пайғамбар соллаллоҳу алайҳи васаллам (намозга) турдилар, одамлар ҳам У зот билан турдилар. Бас, У зот такбир айтдилар, улар ҳам У зот билан такбир айтишди. Сўнг У зот рукуъ қилдилар ва улардан баъзи одамлар ҳам, У зот билан рукуъ қилишди. Сўнгра У зот сажда қилдилар ва улар ҳам бирга сажда қилдилар. Сўнгра У зот иккинчи ракъатга турдилар. Сажда қилганлар туриб ўз биродарларини қўриқлаб турдилар. Бошқа тоифа эса У зот билан рукуъ ва сажда қилди. Одамлар ҳаммаси намозда эдилар. Лекин бир-бириларини қўриқлар эдилар».
Бухорий, Муслим, Абу Довуд, Насаий ривоят қилган.

Саҳл ибн Аби Ҳасма розияллоҳу анҳудан ривоят қилинади:
«Расулуллоҳ соллаллоҳу алайҳи васаллам саҳобалари ила хавфда намоз ўқидилар. Бас, уларни ўз орқаларида икки сафга тиздилар ва ўзларига яқин турганлар ила бир ракъат намоз ўқидилар. Сўнгра то уларнинг ортларидагилар бир ракъат намоз ўқигунларича тик туриб турдилар. Кейин улар олдинги сафга ўтдилар ва уларнинг олдида турганлар орқага ўтдилар. Бас, У зот улар билан бирга бир ракъат намоз ўқигунларича тик туриб турдилар. Кейин улар олдинги сафга ўтдилар ва уларнинг олдида турганлар орқага ўтдилар. Бас, У зот улар билан бир ракъат намоз ўқидилар. Кейин эса орқага ўтганлар бир ракъат намоз ўқиб олгунларича кутиб ўтириб кейин салом бердилар».
Муслим ва Абу Довуд ривоят қилган. Аллоҳ билувчидир.